Моҳи январи соли 2026 дар қисми зиёди қаламрави Тоҷикистон ҳаво нисбатан гарм мешавад. Ҳарорати миёнаи моҳона 1-2 дараҷа зиёдтар аз меъёри иқлимӣ пешгӯӣ шуда, боришот баъзан поинтар аз меъёр пешгӯӣ шудааст. Дар ин бора Оҷонии ҳавошиносии ҷумҳурӣ хабар медиҳад.
Вилояти Хатлон ва Ноҳияҳои тобеи ҷумҳурӣ
Дар водиҳо ҳарорати миёна, 4-5 дараҷа гарм ва дар доманакӯҳҳо 1-2 дараҷа гарм пешбинӣ мешавад.
Шабона ҳарорат аз 5 дараҷа хунук то 2 дараҷа гарм тағйир ёфта, рӯзона аз 3 дараҷа то 12 дараҷа гарм мешавад.
Аз 5 то 14-уми январ акасаран ҳавои хушк пешгӯӣ мешавад. Дар нимаи дуюми моҳ боридани борону барф ва барфи тар аз эҳтимол дур нест. Рӯзҳои ҷудогона, фаромадани туман ва пурзӯр шудани суръати вазидани шамол то 15-20 м/сония пешбинӣ шудааст.
Вилояти Суғд
Ҳарорат дар ҳудуди меъёр ва баъзан зиёдтар аз меъёр пешбинӣ мешавад. Дар водиҳо шабона ҳарорати аз 3 то 8 дараҷа хунук ва рӯзона аз 2 то 13 дараҷа гарм дар назар аст.
Дар ноҳияҳои кӯҳӣ, шабона ҳарорат метавонад то 16 дараҷа хунук поин рафта, рӯзона аз 6 дараҷа хунук то 6 дараҷа гарм шавад.
Дар нимаи аввали моҳ эҳтимоли боришот кам буда, дар нимаи дуюми моҳ боридани борону барф ва дар кӯҳҳо акасран барф пешбинӣ шудааст. Суръати вазидани шамол баъзан то 17-22 м/сония пурзӯр шуда, фаромадани туман дар назар аст.
Ноҳияҳои кӯҳӣ ва ғарби ВМКБ
Ҳарорати миёнаи моҳона 3-9 дараҷа гармро ташкил хоҳад дод, ки аз меъёр баландтар аст.
Дар давраҳои ҷудогона сардиҳои шабона метавонанд то 18-20 дараҷа расида, рӯзона ҳарорат аз 5 дараҷа хунук то 4 дараҷа гарм мешавад.
Миқдори боришот дар ҳудуд ва баъзан поинтар аз меъёр пешбинӣ шуда, рӯзҳои ҷудогона суръати вазидани шамол метавонад то 12-17 м/сонияро ташкил диҳад.
Шарқи ВМКБ
Ин минтақа сардтарин боқӣ мемонад. Ҳарорати миёна 14-17 дараҷа хунукро ташкил хоҳад дод.
Дар даҳаи сеюми моҳ, ҳарорат шабона метавонад то 35 дараҷа хунук поин рафта, рӯзона то 15 дараҷа хунук мешавад. Боришот нисбатан кам аст.
Ба сурати умум, моҳи январи соли 2026 дар Тоҷикистон ҳавои нисбатан гарм дар муқоиса бо маъмулӣ дар назар аст. Боришот камтар шуда, ҳарорат босуръат ва тез-тез тағйир меёбад, бахусус дар ноҳияҳои кӯҳӣ.
