Имрӯз, 26-уми январ, сармураббии дастаи футзали Тоҷикистон Пайрав Воҳидов 50-солагиашро ҷашн мегирад. Имрӯз маҳз ӯ ба омода кардани дастаи мунтахаб ба даври ниҳоии Ҷоми Осиё-2026, ки дар он Тоҷикистон дар яке аз гурӯҳҳои душвор қарор дорад, машғул аст.
Моҳи январ мунтахаби футзали Тоҷикистон ба марҳилаи ниҳоии омодагӣ ба Ҷоми Осиё-2026 – мусобиқаи асосии қора оғоз кард. Дастаро дар ин мусобиқа шахсе роҳбарӣ мекунад, ки номаш аллакай чандин сол мустақиман бо дастовардҳои футзали Тоҷикистон марбут аст.
Бо ин баҳона “Азия-Плюс” ба роҳи тайкарда ва дастовардҳои ӯ назар андохт.
Роҳ тайкардаи бозингар: аз футболи калон ба футзал
Пайрав Воҳидов 26-уми январи соли 1976 дар Душанбе чашм ба олами ҳастӣ кушода, ҳунарнамоии касбиашро дар футболи калон нимаи солҳои 1990 оғоз ва дар тими “Соҳибкор”-и Душанбе дар Лигаи якуми мусобиқоти қаҳрамонии Тоҷикистон бозӣ мекард.
Маҳз ҳамон замон Воҳидов ба футзал рӯ овард – нахуст ҳамчун бозигари мусобиқаҳои шаҳр ва ҷумҳурӣ ва сипас ба яке аз касоне, ки мактаби мураббигии шакли навро ташаккул медиҳад.
ИЗОБРАЖЕНИЕ
Қадамҳои нахусти мураббигӣ ва иҷозатномаи КФО
Соли 2014 ӯ ба иҷозатномаи мураббигии Конфедератсия фуитболи Осиё (КФО ё AFC) Level-1 соҳиб шуда, сармураббии дастаи “Ҳумо”-и Душанбе таъин шуд. Минбаъд пайваста дар тимҳои “ТКБ Лизинг”, “Карон” ва “Сипар” кор карда, ҳамзамон заминаи методиашро қавӣ ва аз ҳамаи зинаҳои таълими мурабииҳо – Level-1, Level-2 ва Level-3 гузашт. Аллакай ҳамон вақт мутахассисон равиши доимӣ, таваҷҷуҳ ба ҷузъиёт ва малакаи кор бо захираҳои маҳдуди ӯро зикр мекарданд.
Такони ҷиддӣ дар фаъолияти касбии ӯ соли 2018, замоне, ки мураббии дастаи “Соро компания” таъйин шуд, рух дод. Давоми якчанд мавсим ин даста ба яке аз дастаҳои пешсафи футзал табдил ёфт.
Таҳти роҳбарии Воҳидов “Соро компания” 6 маротиба қаҳрамони Лигаи касбии футзали Тоҷикистон (солҳои 2018, 2019, 2021, 2022, 2024, 2025), 5 маротиба ғолиби Ҷоми Тоҷикистон, 4 маротиба соҳиби Суперҷом ва ғолиби мусобиқаи байнулмилалии БК “Олимп” (соли 2019) дар Атирау шуд, ки аввалин дастаи ғолиби берун аз ҳудуди Қазоқистони ин мусобиқа мебошад.
Соли 2019 “Соро компания” бори нахуст дар таърихи футзали Тоҷикистон дар Лигаи қаҳрамонҳои Осиё ҳанарнамоӣ карда, роҳро ба мусобиқаи баргузидаи футзали қора боз кард.
ИЗОБРАЖЕНИЕ
Мунтахаби Тоҷикистон: идомаи мантиқӣ
Воҳидов қариб доимо паҳлӯи мунтахаби миллӣ қарор дошт. Солҳои 2015-2016 ӯ ба ҳайси ёвари самурабии тими мунтахаб ва соли 2017 ба мунтахаби миллии ҷавонони ҷумҳурӣ (U-20) роҳбарӣ мекард.
Аз моҳи июни соли 2021 Пайрав Воҳидов сармурабии дастаи футзали Тоҷикистон таъин шуда, ҳамзамон корашро дар “Соро компания” идома медиҳад. Таҳти роҳбарии ӯ ҳам даста миллӣ ва ҳам “Соро компания” усули хоси бозии худро пайдо кард ва нафақат дар мусобиқоти дохилӣ, балки берун аз кишвар ҳам ҳунарнамоии тамошобоб нишон медиҳад.
ИЗОБРАЖЕНИЕ
Ҷоми Осиё-2026: имтиҳони асосӣ
Имрӯз Воҳидов дастаи мунтахабро дар марҳилаи калидии омодагӣ ба даври финалии Ҷоми Осиё-2026, ки аз 27-уми январ то 7-уми феврал дар Индонезия баргузор мешавад, роҳбарӣ мекунад.
Мунтахаби Тоҷикистон дар ин мусобиқа ба гурӯҳи “С” шомил буда, бо дастаҳои Ӯзбекистон (28 январ), Ҷопон (30 январ) ва Австралия (1 феврал) бозӣ мекунад. Ин яке аз гурӯҳҳои душвор ва пурқуввати мусобиқа бо ҳарифони пуртаҷриба ва дастаҳои пешсафи қора маҳсуб меёбад.
Ба давраи тамрину омӯзиш 16 футзалбоз аз дастаҳои “Соро компния”, “Сипар”, “Истиқлол”, инчунин легионерҳо аз Ӯзбекистон даъват шудаанд. Аз рӯйи натиҷаҳои давраи тамирину омӯзиш 16 бозигари дастаи мунтахаб интихоб мешаванд.
ИЗОБРАЖЕНИЕ
Натиҷа ва низом
Пайрав Воҳидов – мураббии шоистаи Тоҷикистон (соли 2019), чандин маротиба дорандаи унвони беҳтарин сармураббии кишвар (2018, 2019, 2021, 2022, 2024, 2025) мебошад. Аз ҳама муҳимаш ӯ мураббиест, ки аз зинаҳои касбии: даста → дастаи мунтахаб → сатҳи байнулмилалӣ гузаштааст.
Дар синни 50-солагӣ Воҳидов на танҳо чун соҳибҷашн, ҳамчунин ба сифати меъмори амалкунандаи футзали тоҷик меояд, ки ояндаи наздики футзали тоҷик ба қарорҳо ӯ вобастаанд. Ҷоми Осиё-2026 як имтиҳони навбатист. Ва аз бисёр ҷиҳатҳо он имтиҳон маҳз барои Пайрав Воҳидов маҳсуб меёбад.
Дар ин ҷода ба ӯ барору пирӯзӣ мехоҳем.
