Душанбе. 6-уми июл. ОИ «Азия-Плюс» – Имрӯз дар Душанбе намоишгоҳи байнулмилалии дастовардҳои илмии макотиби олии Эрон ва Тоҷикистон ба кор шурӯъ мекунад.
Чӣ тавре ки ба ОИ «Азия-Плюс» аз Палатаи савдо ва саноати ҶТ иттилоъ доданд, намоишгоҳ бо мақсади рушди ҳамкории мутақобилаи судманд дар соҳаи маориф, табодули таҷриба дар бахши дастовардҳои илмии ҷадид, шиносоии наздик бо ихтирооти навин дар самтҳои гуногун ва иштироки тарафайн дар татбиқи лоиҳаҳои илмии муштарак созмон дода мешавад.
Бино ба иттилои манбаъ, аз ҷониби Эрон дар намоишгоҳ намояндагони зиёда аз 35 мактаби олӣ ва 5 маркази табъу нашри ин кишвар иштирок мекунанд. «Интизор меравад, ки дар фарҷоми намоишгоҳ Ёддошти ҳамкорӣ дар соҳаи маориф байни кишварҳо ба имзо мерасад», – гуфтанд дар ПСС ҶТ.
