Душанбе. 28-уми январ. ОИ «Азия-Плюс» – Зимни боздиди кории муовини раиси Палатаи савдо ва саноати ҷумҳурӣ Одил Сангов бо ҳайати давлати Миср таҳти сарварии директори генералии департаменти Аврупои Шарқии вазорати ҳамкории байнулмилалии миср Маҳа Маҳмуд ал Вакил масоили густариши ҳамкориҳои иқтисодиву тиҷоратӣ мавриди баррасӣ қарор гирифтанд.
Дар ҷараёни мулоқот ҳайати миср изҳор дошт, ки ширкатҳои истеҳсоли дорувории тиббии Миср хоҳиши ба бозори Тоҷикистон ворид шуданро доранд. Зикр гардид, ки ширкати «Ваксир» имкон дорад ба ҷумҳурӣ маҳсулоти доруворӣ ворид созад.
Ғайр аз ин, ҳайати Миср бо назардошти дар Тоҷикистон нашъунамо ёфтани растаниҳои гуногуни доруворӣ, изҳори назар намуд, ки дар коркард ва тайёр кардани маҳсулоти ниҳоӣ аз онҳо метавонад ҳамкорӣ намояд.
