Душанбе. 28-уми январ. ОИ «Азия-Плюс» – Дирӯз зимни мулоқот бо рӯзноманигорон муовини вазири энергетика ва саноати ҷумҳурӣ Маҳмадшариф Ҳақдодов изҳор дошт, ки бозсозии ширкати истеҳсоли тиллои «Зарафшон» соли 2010 пурра ба итмом мерасад ва шурӯъ аз ин сол истеҳсоли тилло дар корхона то ба 2 тонна дар як сол мерасад.
Ба гуфтаи ӯ, соли ҷорӣ ҷиҳати таҷдиди корхона сармоягузорони хориҷӣ беш аз 50 млн. $ маблағгузорӣ мекунанд. «Соли 2008 дар Тоҷикистон 1670 кило тили истеҳсол гардид, ки нисбат ба соли пешин 92 кило зиёдтар аст», – афзуд ӯ.
