Душанбе. 5-уми июн. ОИ «Азия-Плюс» – Вазорати ҳолатҳои фавқулоддаи Русия баҳри кӯмак ба Тоҷикистон 10 ҳазор тонна орд мефиристад. Дар ин бора радиои «Садои Русия» хабар медиҳад.
Қаблан хабар дода шуда буд, ки бар асари боронҳои шадиди пайдарпай ва селоба дар моҳҳои апрелу майи соли ҷорӣ, Тоҷикистон ба маблағи беш аз 100 млн. $ хисорот бардошта, 23 нафар ҳалок шуда буданд. Қитъаҳои зиёди роҳи мошингарди ҷумҳурӣ хароб гардида, миқдори хеле зиёди заминҳои кишт зарар диданд.
Қаблан ба Тоҷикистон баҳри рафъи оқибатҳои офати табиӣ кишварҳои ҳамсояи Қирғизистону Ӯзбекистон, як қатор кишварҳои Иттиҳоди Аврупо ва Созмони Милали Муттаҳид ёрӣ расонида буданд.
