Душанбе. 28-уми май. ОИ «Азия-Плюс» – Имрӯз дар Тоҷикистон 15-умин солгарди таъсиси Қушӯнҳои сарҳадии кишвар таҷлил мегардад.
Ин дақиқаҳо ба муносибати ҷашн дар маҷмаии давлатии «Кохи Ваҳдат»-и шаҳри Душанбе бо иштироки президенти Тоҷикистон Эмомалӣ Раҳмон маҷлиси ботантана ҷараён дорад. Тантанаи идона бо барномаи консертии устодони ҳунар анҷом хоҳад пазируфт. Имрӯз дар тамоми ҷузъу томҳои нерӯҳои марзбонии Кумитаи давлатии амнияти миллии ҶТ чорабиниҳои ҷашнӣ баргузор мегарданд.
Феълан марзбонони ҷумҳурӣ беш аз 4,5 ҳазор км марзи давлатиро таҳти назорат доранд, ки қитъаи душвораш марз бо Афғонистон (1 ҳазору
344 км
) мебошад.
Ёдрас мешавем, ки моҳи майи соли 1994 дар бораи барпо намудани Қӯшунҳои сарҳадии Вазорати амнияти Ҷумҳурии Тоҷикистон қарори Раёсати Шӯрои Олии Ҷумҳурии Тоҷикистон ба имзо расида буд. Тибқи ин санад ҳар сол 28 май чун рӯзи иди касбии сарҳадбонони тоҷик қайд карда мешавад.
