Душанбе. 25-уми декабр. ОИ «Азия-Плюс» – Дар тендери сохтмони хати интиқоли барқ аз нер
ӯ
гоҳи Сангт
ӯ
да-1 то шаҳри Пули Хумрии Афғонистон ширкатҳои ҳинд
ии «
KEC International» ва
«RPG Transmission» дастболо шуданд.
Тавре аз ширкати «Барқи тоҷик» ба ОИ «Азия-Плюс» хабар доданд, баҳри сохтмони хати мазкур Бонки рушди Осиё ва Бунёди ОПЕК 19 млн. $ маблағ ҷудо карда, мариди истифода қарор гирифтани он дар нимаи аввали соли 2010 пешбинӣ шудааст. «Масофаи хат
118 километр
буда, иқтидори интиқолии он ба 220 кВ (киловолт) баробар аст», – гуфт манбаъ.
Ба иттилои сарчашма, ширкатҳои Ҳиндустон ният доранд, пас аз анҷоми сохтмони ин иншоот дар бунёди хати интиқоли барқ аз марзи Тоҷикистон то Покистон тавассути пойтахти Афғонистон низ ширкат варзанд. «Сохтмони мазкур барои ҷумҳурӣ нақши муҳим дорад, зеро минбаъд дар мавсими тобистон он барои содироти нерӯи барқи зиёдатии ҷумҳурӣ ба кишварҳои Осиёи Ҷанубӣ шароити мусоид фароҳам хоҳад сохт», – афзуд манбаъ.
