Душанбе. 11-уми ноябр. ОИ «Азия-Плюс» – Дар зарфи даҳ моҳи соли ҷорӣ мақомоти дахлдори Тоҷикистон аз муомилоти ғайриқонунӣ 5 тоннаву 212 килову
895 грамм
маводи мухаддир му содира карданд.
Тавре аз Агентии назорати маводи нашъаовари назди президенти Тоҷикистон ба ОИ «Азия-Плюс» хабар доданд, аз ин миқдор 1 тоннаву 499 килову 326 граммаш ҳероин, 1 тоннаву 698 килову 467 грамми он афюн ва 2 тоннаву 14 килову 93 грамми он маводи мухаддири гурӯҳи каннабис аст.
Ба иттилои манбаъ, дар ҳамин давраи соли гузашта аз ҷониби мақомоти дахлдори ҷумҳурӣ беш аз 4 тонна маводи мухаддир мусодира карда шуда буд, ки 1 тоннаву 382 килои онро маводи сахттаъсири ҳероин ташкил медод.
Тибқи маълумоти агентӣ, соли равон аз ҷониби ин мақомот нисбат ба ашхоси қонуншикан дар мавриди муомилоти ғайриқонунии маводи мухаддир 85 парвандаи ҷиноӣ боз гардида, 67-тои он барои баррасӣ ба додгоҳ ирсол шудааст.
Дар ин давра дар оташдонҳои махсуси агентӣ 604 килову
439 грамм
маводи мухаддир сӯзонида шудаанд. Манбаъ афзуд, ки дар зарфи 10 моҳи соли ҷорӣ дар хориҷи кишвар ба ҷурми даст доштан дар муомилоти ғайриқонунии маводи мухаддир 227 шаҳрванди Тоҷикистон боздошт шудаанд.
