Дар ҷаласаи нахустини иҷлосияи чоруми Маҷлиси намояндагони Маҷлиси Олии ҶТ пас аз таътил вакилони палатаи поёнии парлумони кишвар пешниҳоди ҳукумат дар бораи ба Кодекси гражданӣ ворид кардани масъулият барои «туҳмат» ва «таҳқир»-ро якдилона дастгирӣ карданд.
Зимни суханронӣ дар робита ба ин масъала вазири адлияи ҷумҳурӣ Рустам Менглиев изҳор кард, ки қаблан бо пешниҳоди сарвари давлат Эмомалӣ Раҳмон моддаҳои 135 (туҳмат) ва 136 (таҳқир) бекор шуда, аз Кодекси ҷиноии Тоҷикистон хориҷ карда шуданд.
«Масоили марбут ба роҳ додан ба тӯхмату таҳқир дар доираи Кодекси граждании ҶТ баррасӣ гардида, ҷазо дар шакли инкор ё ҷуброни молӣ барои хисороти маънавиро ҷабрдида дар аризаи даъвогии худ муайян мекунад», – гуфт вазир.
Қаблан тибқи моддаи «туҳмат» аз се то панҷ ва моддаи «таҳқир» то ду соли зиндон пешбинӣ гардида буд.
