Душанбе. 31-уми июл. ОИ «Азия-Плюс» – Президенти Тоҷикистон Эмомалӣ Раҳмон ва роҳбари Фармондеҳии марказии Иёлоти Муттаҳидаи Амрико (ИМА) Мартин Демпси, ки нимаи аввали ҳамин рӯз бо боздиди кӯтоҳмуддат ба шаҳри Душанбе меояд, масоили ҳамкориҳои низомии Тоҷикистону Амрикоро мавриди баррасӣ қарор хоҳанд дод.
Ба иттилои сардори департаменти Иттилооти Вазорати корҳои хориҷии Тоҷикистон Давлат Назриев, Эмомалӣ Раҳмон ва Мартин Демпси нимаи дуввуми рӯз мулоқот намуда, ҳамчунин оид ба вазъи кунунии Афғонистон низ табодули назар хоҳанд кард.
Имрӯз вохӯрии роҳбари олирутбаи низомии Амрико бо вазири мудофиаи Тоҷикистон Шералӣ Хайруллоев низ дар назар аст.
