Душанбе. 11-уми август. ОИ «Азия-Плюс» – Имрӯз Ҳизби Демократи Тоҷикистон 18-умин солгарди таъсисёбиашро ҷашн мегирад.
Ба ин муносибат дар дафтари кории марказии ҳизб дар шаҳри Душанбе фаъолони ҳизб аз вилояти Хатлон, минтақаи Рашт ва шаҳри Хоруғ ҷамъ омаданд. Ҳамчунин котиби аввали сафорати Русия дар Тоҷикистон Александр Куликов ва намояндагони Созмони Амният ва Ҳамкории Аврупо дар Душанбе низ ба ин ҷо ташриф оварда, демократҳоро табрик карданд. Демократҳои вилояти Суғд ин санаро дар шаҳри Хуҷанд ҷашн гирифтанд.
Ёдрас мекунем, ки Анҷумани ташкилии Ҳизби Демократи Тоҷикистон 10-уми августи соли 1990 баргузор гардид. Раиси нахустини ҳизб Шодмон Юсуф интихоб гардид, ки феълан дар Австрия зиндагӣ мекунад.
