Душанбе. 16-уми август. ОИ «Азия-Плюс» – Аз дафтари марказии «Тоҷпромбонк» хабар доданд, ки ширкати аудитории «Гранд тортон»-и Арманистон фаъолияти «Тоҷпромбонк»-ро мавриди санҷиш қарор медиҳад.
Бино ба иттилои манбаъ, тибқи тавофуқи ҳосилшуда бо Бонки миллии Тоҷикистон ҳамасола аудити бонкро ширкатҳои хориҷӣ ба субут мерасонанд.
«Аудити бонк ба наздикӣ оғоз гардида, тибқи нақша бояд нимаҳои моҳи дигар ба анҷом расад», – изҳор дошт манбаъ. Дар ҳамин ҳол, аз ифшои маблағи пардохти кори аудиторони хориҷӣ худдорӣ карданд.
Маълумотнома:
«Тоҷпромбонк» соли 1995 таъсис ёфта, айни замон дар қаламрави ҷумҳурӣ 16 шӯъба дорад.
