Душанбе. 20-уми август. ОИ «Азия-Плюс» – Барои шунавандагони Донишкадаи такмили ихтисос – кормандони Хадамоти гумруки назди ҳукумати Тоҷикистон дар мавзӯи «Вижагиҳои назорати муомилоти ғайриқонунии маводи мухаддир, психотропӣ ва прекурсорҳо» тренинги серӯза баргузор мешавад. Дар ин бора ба ОИ «Азия-Плюс» аз дафтари матбуоти хадамоти гумруки ҷумҳурӣ хабар доданд.
Тренинг бо дастгирии молиявии намояндагии Раёсати Созмони Милали Муттаҳид оид ба маводи мухаддир ва ҷинояткорӣ дар Тоҷикистон доир мегардад. Ба сифати мураббиён кормандони Агентии назорати маводи нашъаовари назди президенти Тоҷикистон ва Вазорати умури дохилии ҷумҳурӣ интихоб шуданд. Тренинг то 22-уми август идома хоҳад ёфт.
