Душанбе. 27-уми август. ОИ «Азия-Плюс» – Дар таърихи 4-уми сентябр, ки бо ташаббуси президенти ҷумҳурӣ ҷашни Рӯзи китоб эълон шудааст, дар Китобхонаи миллии ба номи Абулқосим Фирдавсӣ чорабиниҳои ҷашнӣ доир карда мешаванд.
Аз маъмурияти китобхонаи мазкур ба ОИ «Азия-Плюс» хабар доданд, ки дар толори китобхона намоишгоҳи китобҳои адабиёти классикии тоҷик ва хориҷӣ ташкил карда шудааст. Бино ба иттилои манбаъ, дар рӯзи ҷашн мудири китобхона Шариф Тошев бо тамошобинон ва хонандагон мулоқот хоҳад орост. Дар мулоқот олимон, рӯзноманигорон, донишҷӯён, кормандони китобхонаҳои пойтахт ширкат варзида, дар мавзӯи таърихи китоб ва китобхонадорӣ конфронс баргузор мешавад.
