Душанбе. 16-уми сентябр. ОИ «Азия-Плюс» – Аз оғози соли равон дар Тоҷикистон мизони таваррум ба 11,92 фисад баробар шуд. Қобили зикр аст, ки аз рӯи натиҷаҳои 7 моҳа ин нишондиҳанда 9,87 фисадро ташкил медод.
Мувофиқи маълумоти Кумитаи давлатии омори ҷумҳурӣ, суръати миёнаи моҳонаи таваррум дар бахши истеъмолӣ 1,49 фисадро ташкил додааст ва ин дар ҳолест, ки дар ҳамин давраи соли гузашта он ба 0,72 фисад баробар буд.
Аз оғози соли равон нархҳои маводи ғизоӣ 13,9 фисад, бахши ғайриистеъмолӣ 3,8 фисад ва соҳаи хизматрасонӣ 19,5 фисад афзуданд.
