Душанбе. 30-уми октябр – «Ҷамъоварии пахта дар ноҳияҳои тобеи ҷумҳурӣ ба мақсад мувофиқ нест», – иброз дошт сардори Раёсати растанипарварии Вазорати кишоварзӣ Саидмурод Баҳриддинов.
Ӯ мегӯяд, ки дар як рӯз ҷамъ овардани 475 тонна пахта барои панҷ ноҳияе,ки нақшаи истеҳсоли пахтаашон дар соли ҷорӣ аз 49 ҳазор тонна камтар аст, нобахшиданист. Ҷамъоварии пахта дар як рӯз дар ноҳияи Рӯдакӣ ба миқдори 45, Ҳисор – 71, Шаҳринав – 90 ва ноҳияи Ваҳдат 91 тоннаро ташкил медиҳад. Ташкили кор дар ноҳияҳои Рӯдакӣ, Шаҳринав ва Ваҳдат чандон хуб нест. Натиҷаи ҳамин аст, ки ҳар рӯз дар ин ноҳияҳо ба андозаи 0,6 – 1,3 – 1,4 фоиз пахта ғундошта мешавад.
Бо фарорасии моҳи октябр рӯзҳо сардтару кӯтоҳтар мешавад, аммо дар саҳро пахтаи зиёд ҳанӯз боқист, ки ҷамъоварии он вазифаи муқаддаси ҳар як шахрванди ин ноҳияҳост.
