Душанбе. 3-юми ноябр. ОИ «Азия-Плюс» – Низоми барқтаъминкунии шаҳри Душанбе ба сардиҳои зимистон ҳамаҷониба омодагӣ мегирад.
Тавре аз Ширкати саҳомии холдинги кушодаи «Барқи тоҷик» ба ОИ «Азия-Плюс» хабар доданд, барои ба зимистон омода сохтани низоми барқтаъминкунии пойтахт гурӯҳҳои таъмирӣ аз шаҳрҳои Қӯрғонтеппа, Кӯлоб ва Панҷакент ба шаҳри Душанбе омадаанд.
«Соли равон бори нахуст дар низоми барқтаъминкунии шаҳр чаҳор воҳидҳои ноҳиявӣ баҳри саривақт бартараф кардани камбудиҳо ташкил карда шуданд», – изҳор дошт манбаъ.
Бино ба иттилои манбаъ, барои ин воҳидҳо 300 ҷойи корӣ дода шуда, онҳо бо 8 автомашина, трактор, озмоишгоҳи сайёр ва крани борбардор таъмин карда шудаанд.
