Душанбе. 7-уми ноябр. ОИ «Азия-Плюс» – Чанде қабл дар шаҳри Душанбе ҷаласаи
VI
-уми комиссияи байниҳукуматии Тоҷикистону Қазоқистон оид ба иқтисод анҷом ёфт.
Тавре аз Кумитаи давлатии сармоягузорӣ ва идораи амволи давлатии ҷумҳурӣ ба ОИ «Азия-Плюс» хабар доданд, аз рӯи натиҷаҳои ҷаласа Протокол ва Нақшаи чорабиниҳо барои солҳои 2009-2011 ҷиҳати амалисозии Барномаи ҳамкории иқтисодии Тоҷикистону Қазоқистон ба имзо расидааст.
«Дар ҷаласа маҷмӯи васеи масоили ҳамкориҳои иқтисодиву тиҷоратӣ, ҷалби сармояҳо ба иқтисоди кишварҳо, маблағгузории муштараки лоиҳаҳои сармоягузорӣ дар бахшҳои соҳибкории хурду миёна, ҳифзи муҳити зист ва фарҳанг мавриди баррасӣ қарор гирифтанд», – изҳор дошт манбаъ.
Зикр гардид, ки ҳайати Қазоқистон бо нахуствазири ҷумҳурӣ низ дидору гуфтушунид карданд.
