Душанбе. 8-уми ноябр. ОИ «Азия-Плюс» – Соли ҷорӣ
бо супориши
Ҳукумати Ҷумҳурии Тоҷикистон
Вазорати кишоварзӣ ба хоҷагиҳои кишоварзӣ деҳқонӣ(фермерӣ)-и пешсафи ҷумҳурӣ
тухмиҳои хушсифати «Суперэлита», «Элита,
R
1,
R
2-и гандум ва картошкаро ташкил карда буд. Тақсими онҳо ҳамчун фонди бозгашт, дар асоси
бастани шартномахои фонди бозгашти гандум ва
картошка ба роҳ монда шуд, мақсади асосии вазорат зиёд кардани миқдори тухмиҳои баландсифату серҳосил дар ҷумҳурӣ мебошад.
Мувофиқи маълумоти фаврии Раёсати тухмипарварӣ ва
дастовардҳои селексионии вазорат картошкаи тухмӣ
соли 2008 дар
хоҷагиҳои кишоварзии ҷумҳурӣ ба миқдори 1620,5
тонна тухми картошка тақсим карда шуда, фонди бозгашти он дар асоси шартномаҳои басташуда 2430 тоннаро ташкил медиҳад. То имрӯз 261,6 тонна тухмӣ ҷамъ гардидааст, ки 16,1 фоизи нақшаро ташкил медиҳад.
Инчунин дар ҷумҳурӣ
гандуми тухмии баландсифат
ба миқдори 1332,2
тонна тақсим карда шудааст. Фонди бозгашт бошад, аз рӯи шартнома 1331,95 тоннаро ташкил медиҳад То имрӯз
зиёда аз 532 тонна тухми гандум, ки ин
40,0- фоизро ташкил медиҳад,
хоҷагиҳои деҳқонӣ (фермерӣ)
дар асоси шартнома баргардонида
шудааст.
Дар баробари ин тибқи маълумоти фаврӣ то 03.11.08 тухми гандум, ки аз кооперативи истеҳсолии Латиф Муродови ноҳияи Ҳисор аз ҳисоби маблағҳои буҷавӣ харида шуда, дар асоси нақшаи тақсимоти Вазорат ба хоҷагиҳои ноҳияҳои Б.Ғафуров -14 тонна,
Ғончӣ-10 тонна, Шаҳристон-10 тонна, Айнӣ-11 тонна,
Панҷакент-8 тонна,
Истаравшан -6 тонна, раёсати кишоварзии вилоят-21 тонна; ноҳияи Тавилдара-15 тонна ва хоҷагии деҳқонии Ғуломмирзои ноҳияи Ҳисор-0,5 тонна, ҳамагӣ 95,5 тонна тухмӣ барои гузаронидани кишти тирамоҳӣ дода шудааст.
Дар рӯзҳои наздик тақсимоти тухмӣ аз фонди бозгашти тухмӣ ба ноҳияҳои ВМБК шурӯъ мешавад. Дар ин бора аз Маркази матбуот ва иттилооти вазорати кишоварзии ҷумҳурӣ хабар доданд.
