Душанбе. 13-уми декабр. ОИ «Азия-Плюс» – Чанде қабл дар шаҳри Душанбе корхонаи нави дӯзандагии Тоҷикистону Чин ба кор даромад.
Тавре сардори хадамоти матбуоти Вазорати энергетика ва саноати ҷумҳурӣ Тоҷинисо Азизова ба ОИ «Азия-Плюс» хабар дод, корхонаи мазкур дар заминаи фабрикаи дӯзандагии «Ёқут-2000»-и шаҳри Душанбе дар ҳамдастӣ бо шикарти чиноии «Ви Ҷи» таъсис дода шудааст. «Дар марҳилаи аввал фаъолияти корхона ба дӯхтани либосҳои низомӣ нигаронида хоҳад шуд ва соли оянда кушодани сехҳои тайёр кардани сарулибоси бачагона ва мактабӣ ба нақша гирифта шудааст», – гуфт ӯ.
Т.Азизова афзуд, ки феълан дар корхона 90 нафар машғули кор буда, соли оянда то 360 нафар афзудани шумори коргарон дар назар аст.
