Душанбе. 10-уми январ. ОИ «Азия-Плюс» – Имрӯз дар шаҳри Душанбе аз фаъолияти мақомоти шаҳрдории пойтахт дар соли гузашта натиҷагирӣ мекунанд
Тавре сухангӯи раиси шаҳр Шавкат Саидов ба ОИ «Азия-Плюс» хабар дод, натиҷаи фаъолияти ҳаёти иқтисодӣ ва иҷтимоиву фарҳангии пойтахт дар соли 2008 ин лаҳзаҳо дар ҷаласаи ҷамъбастии шаҳрдории Душанбе баррасӣ мешаванд.
Ба иттилои манбаъ, дар ҷаласа ҳисоботи тамоми субъектҳои фаъолияти хоҷагидории шаҳр мавриди баррасӣ қарор хоҳанд гирифт. «Дар ҷаласа, ки таҳти раёсати раиси шаҳр – Маҳмадсаид Убайдуллоев ҷараён дорад, нақшаҳои кори шаҳрдорӣ дар соли 2009 муайян карда мешавад», – Ш.Саидов.
