Душанбе. 17-уми январ. ОИ «Азия-Плюс» – Ин замон мулоқоти президенти Тоҷикистон Эмомалӣ Раҳмон бо вазири рушди байнулмилалии давлати Қатар Халид бин Муҳаммад Ал-Аттия баргузор шуда истодааст.
Тавре аз дафтари матбуоти сарвари давлат ба ОИ «Азия-Плюс» хабар доданд, зимни мулоқот ҷонибҳо амалисозии қарордодҳои тасвибгардида зимни сафари расмии президенти Тоҷикистон Эмомалӣ Раҳмон ба Қатар ва амири Қатар Ҳамад бин Халифа Ал Танӣ ба Тоҷикистонро мавриди муҳокима қарор медиҳанд.
Дар ҷараёни боздид дидору гуфтушуниди ҳайати Қатар бо раиси шаҳри Душанбе ва вазири умури хориҷии ҷумҳурӣ низ дар назар аст.
Имрӯз сарвари давлати Тоҷикистон ҳамчунин роҳбари Фармондеҳии марказии нерӯҳои Иёлоти Муттаҳидаи Амрико генерал Давид Петресро низ ба ҳузур хоҳад пазируфт. Дар мулоқот барраасии вазъи Афғонистон дар назар аст.
