Душанбе. 19-уми январ. ОИ «Азия-Плюс» – Дар ҳамкории «Ширкати алюминийи тоҷик» бо шарикони муътамаду бонуфуз аз давлатҳои Австралия, Канада, Чин, Эрон ва Қазоқистон мутобиқи Барномаи ба истифодаи ашёи хоми ватанӣ гузаштан дар истеҳсоли алюминий дар ноҳияҳои Ёвон, Дарвоз ва водии Рашт
11 корхонаю иншооти бузург бунёд хоҳанд ёфт, ки дар онҳо 30- 35 ҳазор ҷойҳои нави корӣ муҳайё мегардад. Бунёди ду тои онҳо – корхонаҳои истеҳсоли креолит ва алюминийи фтордор бо шарикони чинии
«Ширкати алюминийи тоҷик» дар ноҳияи Ёвон аллакай оғоз ёфтааст ва то моҳи майи соли 2009 бояд ба истифода дода шаванд.
Дар корхонаи «Тоҷикхимпром» ҳоло барқарорсозии хатҳои технологии истеҳсоли содаи каустикӣ
ва хлори моеъ дар арафаи анҷомёбӣ аст ва
баҳри ба роҳ
мондани истеҳсоли кислотаи хлорид, содаи калсийдор ва дигар маводи кимиёвӣ
тадбирҳо андешида мешаванд.
Баҳри бунёди корхонаҳои коркарди пурраи нахи пахта ва истеҳсоли маҳсулоти ниҳоӣ аз он сохтмони корхонаҳои зиёд дар минтақаҳои гуногуни кишвар идома дорад, ки чанд тои онҳо, аз ҷумла дар ноҳияи Ёвон ва шаҳри Хуҷанд қисман ба кор омода гаштаанд. Бунёди ҳамин гуна корхонаҳо ҳамчунин дар ноҳияҳои Спитамену Мастчоҳ низ идома дорад. Ҳамаи ин корхонаҳо дар сурати пурра ба кор шурӯъ намудан ҳар сол метавонанд аз
20 ҳазор тонна нахи пахта маҳсулоти тайёри ниҳоӣ истеҳсол кунанд. Дар ин бора аз дафтари матбуоти сарвари давлат хабар доданд.
