Хуҷанд. 27-уми январ. ОИ «Азия-Плюс» – Соли гузашта аз минтақаи шимоли ҷумҳурӣ беш аз дуним ҳазор сайёҳон боздид карданд.
Тавре аз раёсати кор бо ҷавонон, варзиш ва сайёҳии вилояти Суғд ба ОИ «Азия-Плюс» хабар доданд, феълан дар қаламрави вилоят 18 ширкати сайёҳӣ амал карда, дар 28 меҳмонхонаи замонавӣ ва 27 минтақаи сайёҳӣ барои истироҳату фароғати сайёҳони хориҷӣ тамоми шароит муҳайё гардидааст.
Дар мавриди истироҳати сокинони худи вилоят манбаъ зикр кард, ки 6,5 ҳазор нафар сокинони минтақа соли гузашта рухсатиҳои худро дар хориҷи кишвар гузарониданд. Аз минтақаҳои истироҳати қаламрави вилоят 196 ҳазору 849 сайёҳи дохилӣ истифода намуданд.
