Душанбе. 12-уми феврал. ОИ «Азия-Плюс» – Дар Тоҷикистон гурӯҳи қаллобон – муассисони пирамидаҳои молиявӣ ошкор гардид, ки худро корманди шабакавии ширкати «
Invite
to
try
» муаррифӣ менамуданд ва ба бовариву эътимоди мардум даромада, маблағҳои зиёди пулии онҳоро азхуд мекарданд.
Тавре ба ОИ «Азия-Плюс» аз Вазорати умури дохилии ҷумҳурӣ хабар доданд, қаллобон шаҳрвандони ноҳияи Шаҳринав – Фирӯза Ниёзова, Сотихон Каримов ва Шералӣ Азимов буда, айни замон дастгир шудаанд.
Барои дохил гаштан ба гурӯҳ лозим буд, ки ба он маблағҳои шахсии худро гузошта, ҳамчунин боз нафарони дигареро низ ба ин амал водор созӣ ва танҳо аз фоизи он маблағи муайяни иловагие пардохт мегардид. Ҳамин тариқ, чанде аз сокинони пойтахт фирефтаи ваъдаҳои ин гурӯҳ гашта, пулҳояшонро ба онҳо супоридаанд. «Танҳо рӯзи 11-уми феврал боз ду нафар ба мо муроҷиат карда, иброз доштанд, ки барои фаъолияти
ин гурӯҳ 15 ҳазору 700 Евро маблағгузорӣ намудаанд», – гуфт манбаъ.
