Душанбе. 16-уми феврал. ОИ «Азия-Плюс» – Имрӯз дар ассамблеяи
XI
-уми ҳисоботию интихоботӣ сарвари давлат Эмомалӣ Раҳмон якдилона ба мансаби президенти Кумитаи миллии Олимпии Тоҷикистон барои давраи солҳои 2009-2012 интихоб гардид.
Мудири шӯъбаи варзиш ва таблиғоти КМО профессор Анвар Бобоҷонов мегӯяд, интихоби сарвари давлат ба ин мақом ба варзишгарони ҷумҳурӣ нерӯву илҳоми тоза мебахшад. «Умедворем, ки дастовардҳои варзишгарони тоҷик дар Бозиҳои Олимпии соли 2012 дар Лондон аз пешина беҳтар хоҳанд шуд», – гуфт ӯ.
Ба гуфтаи А.Бобоҷонов, имрӯз ҳамчунин ҳайати нави Кумитаи иҷроияи КМО иборат аз 11 нафар низ интихоб шуд, ки раҳбарони федератсияҳои футбол, камонварӣ, варзиши сабук, дзюдо ва таэквондо шомили он гаштанд.
