Душанбе. 28-уми феврал. ОИ «Азия-Плюс» – Дар Маркази ҷумҳуриявии клиникии эндокринологӣ маросими супоридани кӯмаки тиббӣ ба маблағи умумии 1 млн. 624,5 ҳазор. $ баргузор шуд.
Тавре аз сафорати ИМА дар Тоҷикистон ба ОИ «Азия-Плюс» хабар доданд, кӯмаки мазкур дар доираи амалисозии лоиҳаи ХОУП расонида мешаад. Дар маросими супурдани кӯмак сафири ИМА дар Тоҷикистон Трэйси Энн Ҷейкобсон, ҳамоҳангсози кӯмаки хориҷии ИМА дар Аврупо ва Авруосиё Дэниел Розенблюм ва муовини вазири тандурустии ҷумҳурӣ Соҳибназар Раҳмонов ширкат намуданд.
Ба иттилои манбаъ, инсулини супоридашуда эҳтиёҷоти солонаи беморони ба касалии қанд гирифторшударо дар Тоҷикистон қонеъ месозад. «Дар маҷмӯъ, департаменти давлатии ИМА тавассути Лоиҳаи ХОУП ба муассисаҳои тиббии Тоҷикистон ба маблағи 7 млн. 888,3 ҳазор доллари ИМА кӯмак мерасонад, ки он аз доруворӣ ва таҷҳизоти тиббӣ иборат аст», – гуфт сафири ИМА дар Тоҷикистон.
