Душанбе. 6-уми март. ОИ «Азия-Плюс» – Дар арафаи иди бонувон имрӯз дар Маркази фарҳангии
ҷ
авонони То
ҷ
икистон «Ориёно» қувваозмоии донишҷӯдухтарони макотиби олии пойтахт баҳри сазовор гаштан ба унвони донишҷӯдухтари босаводтарин – «Орифа» доир мегардад.
Тавре сардори раёсати кор бо ҷавонони Кумитаи ҷавонон, варзиш ва сайёҳии ҷумҳурӣ Носир Бӯриев ба ОИ «Азия-Плюс» хабар дод, озмун бо мақсади муттаҳид сохтани донишҷӯдухтарони пойтахт ва тарбияи онҳо дар рӯҳияи эҳтиром гузоштан ба арзишҳои милливу таърихӣ ва анъанаҳои аҷдодон баргузор мегардад.
Ба иттилои манбаъ, ғолибон бо тӯҳфаҳои хотиравӣ ҳавасманд гардонида мешаванд. Ҳайати ҳакамони озмуни «Орифа» аз намояндагони Кумитаи ҷавонон, варзиш ва сайёҳӣ ва Кумитаи кор бо занон ва оилаи назди ҳкумати кишвар иборат аст.
