Кӯлоб. 7-уми март. ОИ «Азия-Плюс» – Дар зарфи ду моҳи соли ҷорӣ муҳоҷирони меҳнатӣ аз Русия ба минтақаи Кӯлоб 85 млн. 566 ҳазор рубли русӣ интиқол доданд, ки тибқи маълумоти расида ба ОИ «Азия-Плюс» аз шӯъбаҳои панҷ бонк, нисбат ба семоҳаи авали соли 2008 ба миқдори 50,5 млн. рубл бештар аст.
Кормандони бонкҳо мегӯянд, ҳаҷми интиқоли маблағ бо Евро низ афзуда, бо доллари амрикоӣ бошад, коҳиши ҳаҷми умумии он ба мушоҳида мерасад. Дар давоми ду моҳи соли ҷорӣ тавассути бонкҳо ба минтақа 7 млн. $ маблағ интиқол гардидааст, ки нисбат ба нишондиҳандаи ҳамин давраи соли 2008 ба андозаи 30 дарсад камтар мебошад.
