Душанбе. 30-юми март. ОИ «Азия-Плюс» – 28-уми марти соли 2009 Раиси шаҳри Душанбе Маҳмадсаид Убайдуллоев бо муовини сардори Департаменти сохтмонии шаҳри Маскави
Федератсияи Русия Дмитрий Коробов мулоқоти корӣ анҷом дод.
Зимни мулоқот ҷонибҳо масоили ба комиссияи давлатии қабул оид ба истифодабарӣ омодасозии сексияҳои 4 ва 5 –уми Маҷмааи манзилии «Пойтахт-80», ки айни ҳол корҳои сохтмонӣ ба анҷом расидааст ва шурӯи корҳои бунёдӣ дар сексияҳои 2 ва 3-юми иншооти мазкурро мавриди баррасӣ қарор доданд.
Маҳмадсаид Убайдуллоев афзуд, ки пас аз ҷониби фармоишгари иншоот ҶММ «Жилкапинвест» тибқи талаботи санадҳои меъёрии ҳуқуқии Ҷумҳурии Тоҷикистон дар ин самт иншоот ва ҳуҷҷатҳои дахлдори он барои иҷрои
ин амалкард
омода гардидан шаҳдорӣ имкон дорад санади марбутаро оид ба таъсиси комиссияи давлатии қабул ба имзо расонад.
Дар фарҷоми мулоқот ҷиҳати назорат ва вусъати корҳои сохтмонӣ дар иншоот вобаста аз масъалаҳои баррасигардида тибқи муқаррароти шаҳрдор гурӯҳи кории муштарак таъсис дода шуд. Дар ин бораи сухангӯи раиси шаҳри Душанбе Шавкат Саидов хабар дод.
