Душанбе. 30-юми март. ОИ «Азия-Плюс» – Имрӯз Палатаи савдо ва саноати ҷумҳурӣ 49-умин солгарди таъсисёбиашро ҷашн гирифт.
Чӣ тавре ки аз палатаи мазкур ба ОИ «Азия-Плюс» хабар доданд, муассисаи мазкур соли 1960 таъсис ёфта, соли 1998 Маҷлиси Олии ҶТ Қонун «Дар бораи Палатаи савдо ва саноати Ҷумҳурии Тоҷикистон»-ро ба тасвиб расонид, ки он мақоми ҳуқуқии палатаро мушаххас сохта, самтҳои фаъолияти сохторро густариш дод.
Ба иттилои манбаъ, Палатаи савдо ва саноати Тоҷикистон муассисаи ғайридавлативу ғайритиҷоратӣ буда, ба корхонаву муассисоти кишвар ва соҳибкорон дар рушду тавсеъаи фаъолият ва ҷустуҷӯи сармоягузори хориҷӣ кӯмак мерасонад.
Зикр гардид, ки аз ҷониби Палата бо палатаҳои кишварҳои узви ИДМ ва давлатҳои хориҷи дур беш аз 180 созишнома ба имзо расида, феълан худи палата узви як қатор созмонҳои байнулмилалӣ мебошад.
Айни замон беш аз 400 корхонаву муассисаи кишвар ба узвияти палата пазируфта шудаанд.
