Душанбе. 30-юми март. ОИ «Азия-Плюс» – Дар таърихи 2-юми апрел Котиби давлатии Вазорати умури хориҷии Италия, сенатор Алфредо Мантика ба Тоҷикистон ташриф меорад.
Чӣ тавре ки аз департаменти иттилооти Вазорати умури хориҷии ҷумҳурӣ ба ОИ «Азия-Плюс» хабар доданд, дар ҷараёни сафари дипломати итолиёвӣ дидору гуфтугӯи ӯ бо сарвари давлати Тоҷикистон Эмомалӣ Раҳмон, нахуствазири ҷумҳурӣ Оқил Оқилов ва вазири умури хориҷӣ Ҳамрохон Зарифӣ дар назар аст.
«Дар қатори баррасии масоили ҳамкории дуҷониба, вазъи минтақаву Афғонистон низ баррасӣ хоҳад шуд», – гуфт манбаъ.
