Душанбе. 6-уми апрел. ОИ «Азия-Плюс» – Бори нахуст панҷ хизматчии ҳарбии Вазорати умури дохилии ҶТ, ки дар сафи гурӯҳи нерӯҳои посдори сулҳи СММ дар минтақаи Дарфури Судон адои хизмат мекунанд, бо медалҳои «Ба хизмат барои сулҳ»-и Созмони Милали Муттаҳид сарфароз мегарданд.
Чӣ тавре ки аз Вазорати умури дохилии ҷумҳурӣ ба ОИ «Азия-Плюс» хабар доданд, майорони милиса Далер Раҳматов, Тоҳир Нуров ва Татяна Тиханина, лейтенанти калони милиса Татяна Маркина ва старшинаи милиса Барзу Афсаҳов, ки аз моҳи октябри соли гузашта, тибқи шартномаи яксола дар Судон қарор доранд, ба медал сазовор дониста шуданд. Мӯҳлати шартнома метавонад дароз карда шавад.
Медали мазкур дар ҳар шаш моҳ пас аз шурӯъи фаъолияти гурӯҳи нерӯҳои низомии СММ дар
минтақаҳо
супорида мешавад.
