Душанбе. 11-уми апрел. ОИ «Азия-Плюс» – Рӯзи 23-уми апрел Дабири кулли Созмони Аҳдномаи Амнияти Дастаҷамъӣ Николай Бордюжа ба Тоҷикистон ташриф меорад.
Тавре аз департаменти иттилооти Вазорати корҳои хориҷии ҶТ ба ОИ «Азия-Плюс» хабар доданд, ҳадаф аз сафар – мулоқот бо шахсони расмии Ҷумҳурии Тоҷикистон аст.
Дар ҷараёни вохӯриҳо бо шахсони расмии ҶТ баррасии масоили таъмин ва таҳкими амнияти минтақавӣ, такмили минбаъдаи фаъолияти созмон, тақвияти ҳамкориҳо миёни кишварҳои узви СААД ва вазъи Афғонистон дар назар аст. Ҳамзамон муҳокимаи масъалаи дар чаҳорчӯбаи созмон таъсис додани Нерӯҳои муштараки зудамали кишварҳо низ аз эҳтимол дур нест.
