Душанбе. 30-юми апрел. ОИ «Азия-Плюс» – Вазири молияи ҶТ Сафаралӣ Наҷмиддинов бо намояндагони Бонки исломии рушд, Бунёди рушди иқтисодии араби Қувайт ва Бунёди ОПЕК мулоқот орост.
Чӣ тавре ки аз хадамоти матбуоти вазорат ба ОИ «Азия-Плюс» хабар доданд, дар мулоқот ҷонибҳо атрофи масоили таъсири бӯҳрони молӣ ва механизмҳои сабук гардонидани оқибатҳои он ба иқтисоди кишвар табодули афкор намуданд.
Бино ба иттилои манбаъ, дар мулоқот ҳамчунин масъалаҳои амалисозии лоиҳаҳо дар соҳаҳои тандурустӣ, маориф, энергетика ва нақлиёт низ мавриди баррасӣ қарор гирифтанд, ки аз ҷониби муассисаҳои молиявии араб дар Тоҷикистон дастгирӣ мешаванд.
