Душанбе. 2-юми май. ОИ «Азия-Плюс» – Дар арафи Иди 1-уми май кормандони мақомоти ҳифзи ҳуқуқ аз се ҳодисаи муомилоти ғайриқонунии маводи мухаддир ҷилавгирӣ намуданд.
Тибқи иттилои расида ба ОИ «Азия-Плюс» аз Вазорати умури дохилии ҷумҳурӣ, 30-юми апрел зимни азназаргузаронии яке аз дорухонаҳои пойтахт дар маҳаллаи 46-ум, кормандони мақомоти ҳифзи ҳуқуқ 18 килову
248 грамм
маводи афюнро дарёфт ва мусодира кардаанд. «Худи ҳамин рӯз дар маҳаллаи Зарафшон сокини шаҳри Кӯлоб, ки қаблан бо ҷурми даст доштан дар муомилоти ғайриқонунии маводи мухаддир маҳкум гардида буд, бо
708 грамм
марихуана дастгир шуд», – гуфт манбаъ.
Ба иттилои сарчашма, чанде баъдтар боз дар маҳаллаи Зарафшон сокини Душанбе ҳангоми кӯшиши фурӯши
430 грамм
маводи сахттаъсири ҳероин боздошт гардидааст.
