Душанбе. 26-уми май. ОИ «Азия-Плюс» – Нӯҳ нафар хатмкунандагони коллеҷу литсейҳои ҳунарӣ ва мусиқии Тоҷикистон таҳсилро дар макотиби олии маъруфи Русия идома медиҳанд.
Чӣ тавре ки ба ОИ «Азия-Плюс» аз Вазорати фарҳанги ҶТ иттилоъ доданд, чанде пештар дар ин ҷо таҳти раёсати Ҳунарманди шоистаи Русия Валерий Шкарупо, ки раиси комиссияи қабули Консерваторияи давлатии ба номи М.Мусоргскии минтақаи Урали Русия аст, комиссияи пешакии имтиҳонотӣ доир гардида, идомаи таҳсили 9 нафар хатмкунандагони коллеҷу литсейҳои ҳунарӣ ва мусиқии Тоҷикистон дар макотиби олии маъруфи Русия мувофиқи мақсад дониста шуд.
Бино ба иттилои манбаъ, аз рӯи ихтисоси «Фарҳанг ва ҳунар» макотиби олии ҳунарии Русия барои хатмкунандагони Тоҷикистон боз 8 ҷой ҷудо кардаанд.
