Душанбе. 6-уми июл. ОИ «Азия-Плюс» – Дар шаҳри Маскав Хазинаи чанде қабл дар Вазорати адлияи Русия сабтшудаи мусоидат ба дастгирии модару кӯдак таҳти унвони «Даргил наник» (Маро бо худ гир, модар) ба фаъолият шурӯъ намуд. Зодагони Тоҷикистон Меҳмоншо Меҳмоншоев, Рушт Руштов ва Мадина Юлдошева муассисони Хазина мебошанд.
Эргаш Юлдошев, Собир Бутабеков, Бахтиёр Худойназаров, Сергей Акопов, Ирина Розанова, Юлия Хижняк ва дигарон сарапарастони фонд мебошанд.
Чӣ тавре ки ба ОИ «Азия-Плюс» роҳбари медиа-холдинги «
Tajinfo
» дар ФР Муҳаммади Эгамзод иттилоъ дод, ҳадаф аз таъсиси Хазина –
ҷамъовари маблағҳои ихтиёрӣ барои кӯмак ба модарону кӯдакони мӯҳтоҷи оилаҳои муҳоҷирони меҳантӣ аз минтақаи Осиёи Марказӣ аст. «Хазинаи хайрия дар бораи кӯдакони ятиммонда дар хонаҳои ятимону кӯдакон маълумот гирд оварда, ба онҳо баҳри дасггирӣ ҷиҳати таҳсил ва табобат дар беморхонаҳо низ ёрӣ хоҳад расонд», – гуфт ӯ.
