Хуҷанд. 14-уми июн. «Азия-Плюс» — | Дар вилояти Суғд падару модар духтарчаи навзоди худро дар худи таваллудхона ба ивази 500 $ фурӯхтанд.
Тавре ба хабарнигори ОИ «Азия-Плюс» як манбаъ аз Раёсати корҳои дохилии вилоят иттилоъ дод, зимни баргузории чорабиниҳои фаврӣ-ҷустуҷӯйӣ муқаррар карда шудааст, ки дар таърихи 1-уми январи соли равон дар таваллудхонаи ноҳияи Бобоҷон Ғафуров сокини ҳамин ноҳия Гулнора Қодирова дугоник – ду духтар таваллуд мекунад. «Сипас тибқи маслиҳати пешакӣ бо шавҳараш А.Солибоев онҳо яке аз духтарчаҳоро ба ивази 500 $ дар ҳамон таваллудхона ба сокини ҷамоати Унҷии ноҳияи мазкур фурӯхтаанд», – гуфт манбаъ.
Зикр гардид, ки аз рӯйи ин далел нисбат ба падару модари духтарча Г.Қодирова ва А.Солибоев тибқи моддаи 167, қ. 2-и Кодекси ҷиноии ҶТ (Хариду фурӯши ноболиғон) парвандаи ҷиноӣ боз шуда, тафтишот идома дорад.
