Хуҷанд. 27-уми июл. «Азия-Плюс» — | Дар ағбаи Шаҳристон бар асари сангреза ду нафар ба ҳалокат расиданд.
Тавре ба ОИ «Азия-Плюс» аз Раёсати корҳои дохилии вилояти Суғд хабар доданд, ин ҳодисаи фоҷеабор дар километри 154-уми роҳи мошингарди Душанбе-Хуҷанд рух додааст.
Ба иттилои манбаъ, зимни ҳаракат автомашинаи тамғаи «КАМАЗ» зери сангреза монда, ба ҷарии чуқуриаш 200 метр сарозер рафтааст.
«Ронандаи автомашина, сокини ҷамоати Даҳанаи ноҳияи Кӯлоб Рустам Шоеви 31-сола ва мусофири он истиқоматкунандаи ноҳияи мазкур Олим Ҷалилови 31-сола дар ҷойи ҳодиса ба ҳалокат расидаанд», – гуфтанд дар раёсат.
