Дар Қӯрғонтеппа таҳти унвони «Гар дасти фитодае бигирӣ, мардӣ» телемарафон доир гардид, ки аз ҷониби Раёсати ҷавонон, варзиш ва сайёҳии вилояти Хатлон дар ҳамдастӣ бо шабакаи телевизиони вилоят созмон дода шуд.
Тавре аз раёсати мазкур хабар доданд, тамоми маблағе, ки аз ин чорабинӣ ҷамъоварӣ мегардад, ба ҳалли мушкилоти маъюбони минтақа равона мегардад.
Ба иттилои манбаъ, айни замон дар вилояти Хатлон 11 ҳазор нафар ҷавонони маъюб зиндагӣ мекунанд, ки ба як қатор мушкилот, аз ҷумла мушкилоти таъмин бо ҷойи корӣ мувоҷеҳанд.
