Ахири ҳафтаи гузашта дар Рӯзи байналхалқии ҳифзи кӯдакон бо дастгирии барномаҳои Институти «Ҷамъияти Кушода» – Бунёди Мадад дар Тоҷикистон ва ҳамшарикии Ҳукумати ш. Душанбе, ЮНИСЕФ ва созмонҳои ҷамъиятӣ дар боғи кӯдакони пойтахт маъракаи хайрия барои кӯдакон баргузор гардид.
Тавре аз Институти «Ҷамъияти Кушода» – Бунёди Мадад дар Тоҷикистон хабар доданд, ҳадаф аз чорабинии мазкур ҷалби диққати калонсолон ба проблемаи некӯаҳволии кӯдакон, зоҳир кардани таваҷҷӯҳу ғамхорӣ ва таъмини зиндагии арзандаи онҳо мебошад.
Кӯдакон бо ҳамроҳии калонсолон аз ҷумлаи волидон, муаллимон, мураббиён ва дигарон дар озмунҳо, консерту викторинаҳо ва бозихои гуногун иштирок карда, истироҳат намуданд. Ҳамаи хоҳишмандон дар чорабиниҳои мазкур иштирок намуда, малакаву истеъдоди худро нишон доданд.
