Бар асари садамаи нақлиёт дар километри 353-юми роҳи мошингарди Душанбе-Хуҷанд-Чаноқ се нафар сокинони ноҳияи Мастчоҳи вилояти Суғд ба ҳалокат расиданд.
Бино ба маълумоти Вазорати корҳои дохилии ҷумҳурӣ, сокини 22-солаи ноҳияи Спитамен, корманди корхонаи ресандагии «Олим Текстайлз» Наҷмиддин Камолов аз уҳдаи идораи автомашинаи тамғаи «Мерседес» набаромада, бо суръати баланд ба самти муқобили ҳаракат мебарояд, ки дар натиҷа автомашина чаппа мешавад. Ронанда ва яке аз мусофирони автомашина – сокини 25-солаи ноҳияи Мастчоҳ Оятулло Мирзоев бо ҷароҳатҳои гуногун ба беморхона бистарӣ шудаанд.
Мусофирони дигари автомашина – сокинони ноҳияи Мастчоҳ – Фирдавсбек Аҳмедови 25-сола, Шаҳноза Ниёзоваи 25-сола ва Сурайё Одиназодаи 19-сола бинобар сабаби ҷароҳатҳои вазнин бардоштан зимни интиқол ба беморхона ба ҳалокат расидаанд.
