Дар «Гузориш оид ба рушди инсони соли 2013»-и Барномаи рушди СММ зикр мегардад, ки нисбат ба Қазоқистон дар Ӯзбекистону Тоҷикистон мардон ду маротиба бештар умр ба сар мебаранд.
Бино ба маълумоти хабаргузории Росбалт, соли 2009 миқдори бештари фавти мардон миёни кишварҳои Осиёи Марказӣ дар Қазоқистон – 432 нафар ва камтарин дар Тоҷикистон – 183 нафар ба 1 ҳазор нафар аҳолии калонсол ба қайд гирифта шудааст.
Гуфта мешавад, миёни занон миқдори фавт аз ҳама бештар дар Тоҷикистон – 212 нафар ва камтарин дар Ӯзбекистон – 139 нафар ба 1 ҳазор нафар аҳолии калонсол сабт шудааст.
Ҳамчунин зикр мегардад, ки дар рейтинги Индекси рушди инсон барои соли 2012 Қирғизистону Тоҷикистон мақоми 125-умро ишғол намудаанд, ки натиҷаи бадтарин миёни кишварҳои минтақаи Оcиёи Марказӣ аст.
