Ахири ҳафтаи гузашта бо ташаббуси намояндагии САҲА дар Тоҷикистон дар дафтари кории созмони мазкур дар шаҳри Қӯрғонтеппаи вилояти Хатлон тибқи барномаи “Маърифати шаҳрвандии ҷавонон” ва “Барномаи демократикунонии САҲА дар Тоҷикистон” мулоқоти ҷиноҳи ҷавонони аҳзоби сиёсии Тоҷикистон баргузор гардид.
Бино ба маълумоти сомонаи расмии Ҳизби залқии демократии Тоҷикистон, дар чорабинии мазкур намонядагони ҷавон аз ҲХДТ, Ҳизби аграрии Тоҷикистон, Ҳизби сотсиалистии Тоҷикистон, Ҳизби сотсиал – демократии Тоҷикистон, Ҳизби наҳзати исломии Тоҷикистон ва ҷавонони фаъол аз навоҳии Қубодиён, Шаҳритус ва Носири Хусрав ширкат варзиданд.
Гуфта мешавад, мулоқоти мазкур ҷиҳати фаъол гардонидани ҷавонон дар маъракаҳои сиёсӣ, завқи ҷавонон ба аҳзоби сиёсӣ, раванди иштироки ҷавонон дар ҳаёти сиёсӣ, демократия ва принсипҳои он ва дигар масоил нигаронида шуд. Дар рафти мулоқот ҷавонони минтақаи Хатлон аз намояндагони ҷавони аҳзоби сиёсӣ ба суолҳои худ посухҳои мушаххас гирифтанд.
