Субҳи имрӯз президенти Тоҷикистон Эмомалӣ Раҳмон бо сафари серӯзаи корӣ ба Вилояти Мухтори Кӯҳистони Бадахшон раҳсипор шуд.
Бино ба иттилои хадамоти матбуоти сарвари давлат, зимни ин сафар Эмомалӣ Раҳмон бо аҳолии як қатор шаҳру навоҳии ВМКБ мулоқот намуда, дар маросими ифтитоҳи як қатор иншооти нави таъиноти иҷтимоиву иқтисодӣ ширкат хоҳад варзид.
Ба иттилои манбаъ, Эмомалӣ Раҳмон нахуст аз ноҳияи Ванҷ боздид намуда, дар ин ҷо дар маросимҳои мавриди истифода қарор гирифтани нерӯгоҳи хурд ва варзишгоҳ ҳузур хоҳад дошт.
Гуфта мешавад, президенти мамлакат ҳамчунин аз ноҳияҳои Дарвоз, Шуғнон ва шаҳри Хоруғ низ боздид намуда, мулоқоти ӯ бо намояндагони мақомоти давлатӣ ва фаъолони аҳли ҷомеа дар назар аст.
