Дар шаҳри Конибодоми вилояти Суғд ансамбли «Мақомхонони наврас» эҳё гашт.
Тавре ба Хабаргузории «Азия Плюс» аз шӯъбаи фарҳанги дастгоҳи раиси шаҳри Конибодом иттилоъ доданд, ҳайати ҳунарии мақомхононро овозхонони ҷавони кулли шаҳр ташкил дода, роҳбарии ин гурӯҳро номзади илми санъатшиносӣ Абдувалӣ Абдурашидов ба ӯҳда дорад.
«Мақсад аз таъсиси дубораи ин ансамбл омӯзиши амиқи ҳунарҳои бостонӣ ба насли наврас аст. Ин ансамбл давоми бист соли охир фаъолият намекард, чун вазъи мусоид барои фаъолият надошт. Айни ҳол таҳти ин ансамбл мақомсароёни боистеъдод мутаҳҳид гардидаанд ва ба онҳо нозукиҳои мақомсарои омӯзонида мешаванд» – илова кард манбаъ. Зикр гардид, ки ҳайати ҳунарии ансамбл, ки иборат аз 9 нафар наврас аст, тариқи озмун ба узвияти ансамб пазируфта шудаанд. Барои шомилсозии узвҳои нав хоҳишмандон метавонанд дар озмун ширакт кунанд.
