Ба ифтихори Рӯзи модарон- 8-уми март ва фарорасии Наврӯзи хуҷастапай шаҳрдории Душанбе мутобиқ ба анъаноти худ занон- кормандони Раёсатҳои истифодабарии роҳҳои ноҳияҳои шаҳрро бо мукофотҳои пулӣ сарфароз гардонид.
Бино ба иттилои хадамоти матбуоти мақомоти шаҳрдори пойтахт, ин навбат барои қадргардонии 2131 нафар занони роҳрӯб тибқи Қарори марбутаи раиси шаҳри Душанбе аз ҳисоби маблағҳои фонди захиравии Раиси шаҳр 1 млн. 65 ҳазору 500 сомонӣ бо дарназардошти ба ҳар кадоме 500 сомонӣ ҷудо карда шуд.
Гуфта мешавад, кӯмаки молиявии мазкур аз ҷониби масъулини шаҳрдорӣ нимаи аввали имрӯз 6 марти соли 2014 дар расми тантанавӣ ба роҳрӯбони Раёсатҳои истифодабарии роҳҳои ноҳияҳои шаҳр тақдим карда мешаванд.
