Рӯзи 22-юми майи соли равон мулоқоти Вазири корҳои хориҷӣ Сироҷидин Аслов бо Роҳбари гуруҳи парлумонии Британия оид ба Тоҷикистон, намояндаи Палатаи Лордҳои Британияи Кабир, баронесса Вивен Стерн барпо гардид.
Бино ба иттилои Вазорати корҳои хориҷии ҷумҳурӣ дар рафти вохӯрӣ ҷонибҳо муносибатҳои дуҷонибаи Ҷумҳурии Тоҷикистон ва Британияи Кабир, робитаҳои байнипарлумонии ду давлат, инчунин вазъияти ҳуқуқи инсон дар Тоҷикистон ва дигар масъалаҳои дорои таваҷҷуҳи тарафайнро баррасӣ намуданд.
